Om Lásságámmi og stiftelsen

Lásságámmi lei namma manin Nils-Aslak Valkeapää ieš gohčodii viesu man son huksehii dan viessosadjái man lei ožžon skeaŋkan 50-jagibeaivái Omasvuona gielddas. Viessosadji lea lássá alde, ja dan dihtii lea ge das Lásságámmi namman.

Lásságámmi “luonddus lea iežas vuoidna dat hupmá iežas giela gulan dan guldalan ...” Eanni, eannážan Lásságámmi lei namma manin Nils-Aslak Valkeapää ieš gohčodii viesu man son huksehii dan viessosadjái man lei ožžon skeaŋkan 50-jagibeaivái Omasvuona gielddas. Viessosadji lea lássá alde, ja dan dihtii lea ge das Lásságámmi namman. Lásságámmi lea maid dan vuođđudusa namma mii hálddaša su vuoigŋadujiid vuoigatvuođaid. Vuođđudus ásahuvvui 2004 ja Norgga Sámediggi, Omasvona gielda, Romssa fylkkasuohkan ja Romssa Universitehta oamastit dan ovttas. Vuođđudusa ulbmilparagráfas čuožžu ahte dat galgá hálddašit Nils-Aslak Valkeapää árbbi dan vuoiŋŋa ja filosofiija mielde mii boahtá ovdan su bargguin ja almmustusain.

Go Nils-Aslak Valkeapää jámii, de juolludii Romssa fylkkasuohkan ja Norgga Kulturdepartementa ruđaid nu ahte aiddoásahuvvon vuođđudus sáhtii oastit Lásságámmi, ja álggahit barggu dahkat dan dutki- ja dáiddárviessun. Vuođđudus hálddaša Valkeapää dáiddalaš buvttadeami vuoigatvuođaid.

Vuođđudus bovde olbmuid sáddet ohcamuša beassat orrut Áillohačča viesus ja bargat iežaset dáidagiin ja dutkamušaiguin. Dáinna lágiin háliida movttidahttit ássiid joatkit fágalaš ja dáiddalaš ovdáneami. Viessu lea eanet uhcit aiddo nu mo Áillohaš guđii dan. Sierra lávdegoddi man vuođđudusa stivra nammada, vállje geat besset orrut viesus oanehat dahje guhkebuš áiggi. Dáid áigodagaid gaskkas lea vuođđudusa áigumuš doallat viesu rabasin vissis áiggiid nu ahte olbmot besset fitnat doppe.

Teaksta: Harald Gaski

Čoakkáldagat

Maŋŋel go Áillohaš jámii 2001:s Vuođđudus Lásságámmi álggahuvvui, ja válddii badjelasas su viesu Ivgus, Romssas. Viesu fárus čuvvo muhtun su háldooamit, earret eará viiddis govvačoakkáldat mii sisttisdoallá sihke báberkopiijaid, negatiivvaid ja čuovgagovaid dáiddára eallima ja doaimma oktavuođas. Buot lea registrerejuvvon min čoakkáldagaide, ja jus háliidat oaidnit dáid ávdnasiid, de sáhtát fitnat Digitalt Museas.

Loga eanet...

Vuođđudusstivra

Vuođđudusa stivrras leat guhtta áirasa. Sii ovddastit dan njeallje vuođđudeaddji Sámedikki, Romssa fylkkasuohkana Omasvuona suohkana ja Romssa Universitehta, lassin dasa vel Sámiráđđi ja árbbolaččat. Juohke áirras válljejuvvo njealji jahkái.

Storfjord kommune
Anne Dalheim (styrets leder) (vara Inga Pirita Viik)

Troms fylkeskommune
Kirsti Lervoll (styrets nestleder) (vara Trond Agnar Eilifsen)

Sametinget
Joar Nango (vara Rawdna Carita Eira)

Universitetet i Tromsø
Lena Aarekol (vara Torjer Olsen)

Samerådet
Niko Valkeapää (vara Nihkolas Valkeapää)

 

Njuolggadusat

Lásságámmi vuođđudus lea priváhta, ii ealáhusdoaibmi vuođđudus, dieđihuvvon Romssa Fylkkamánnái ođđajagimánu 29.b.2004:s ja álggahuvvon Lága mielde vuođđudusaid birra, geassemánu 15.b.2001 nr. 59 oktan gulli láhkaásahusaiguin. Vuođđudus gávdno Omasvuona suohkanis.

Njuolggadusat (dárogielalaš)

Jahkedieđáhusat

Jahkásaččat ovdal geassemánnu nohká, dollet vuođđudeaddjit jahkečoahkkima. Ovddasteaddjit jahkečoahkkimii leat Norgga Sámedikki presideanta, Romssa fylkkasuohkana fylkkaráđđi, Omasvuona suohkana sátnejođiheaddji, Romssa Universitehta direktevra dahje son/sii geaid sii fápmudit.

Jahkedieđáhusat (dárogielalaš)