Dán mánu dikta

Ráhkis lohkki,

Lásságámmi almmuhišgoahtá golggotmánu 2016 rájes juoidá maid gohčodit "Dán mánu dikta". Divttat ilbmet 4 gillii; sáme-, dáro-, suoma- ja eŋgelasgillii. Min áigumuš livččii almmuhit divttaid mat eai leat ovdal jorgaluvvon eará gielaide. Muhtumin dát guoská maiddá divttaide mat eai leat ilbman Áillohačča girjjiin. Jagi 2020 dáfus dát mearkkaša ahte mii almmuhit muhtun divttaid girjjis Jus gazzebiehtár bohkosivččii, DAT 1996. Dát girji gávdno vuos dušše sámegillii. Mii doaivut ahte neahttasiidduid geavaheaddjit liikojit min doibmii, go min háliidus livččii lohkkiid oahpásmuhttit dađis ođđa Nils-Aslak Valkeapää teavsttaide.