Hopp til hovedmenyen på siden Hopp til hovedinnholdet på siden
Giella Giella Giella Giella

Organisašuvdnaolmmoš, goasttideaddji ja movttiidahtti

Áillohaš lei guovddážis fuolaheamen ahte sámi dáiddárat galge organiseret iežaset. Son lei njunnožis ásaheamen Sámi girječálliid searvvi ja Sámi dáiddáriid searvvi. Ovtta gaskka son lei Álgoálbmogiid máilbmeráđi kulturkoordináhtor, ja dan olis áŋgirušai lágidit álgoálbmotkulturfestivála, Davvi Šuvva 1979:s. Áillohaš lei álo sámi dáiddalašvuođa ozus, ja árvvosmahtii máŋgasa duostat juoigat almmolaččat. Son movttidahtii olbmuid čállit sámegillii ja lei doaimmaheaddjin olu girjjiide.

(Harald Gaski 2014)

JKH Kalstad_150x194

Beassášmárkanat Guovdageainnus ja Áillohaš rohkki

Johan Klemet Hætta Kalstad (2012) bokte

Lásságámmi lea ožžon lobi geavahit min neahttasiidduin Johan Klemet Kalstad artihkkala, mii ilmmai Sámis-áigečállagis nr. 11, miessemánus 2012. Mii giitit Kalstad dan ovddas. Artihkal muitala makkár guovddáš rolla Áillohaš-rohkis lei álggahit Guovdageainnu beassášmárkaniid. Kalstad dovdá dan historjjá bures go ieš lei mielde álggaheamen márkaniid. Áillohaš hálidii almmuhit iežas girjji Eanni, eannážan juste beassášmárkaniin 2001:s, gudnejahttin dihtii márkaniid ja markeret ahte dan jagi son, iežas oaivila mielde, lei reŋgon sámi álbmoga 50 jagi.