Giella Giella Giella Giella

Musihkár ja juoigankomponista

Mađe boarrasebbo šattai, dađe eanet Áillohaš liikui árbevirolaš juoigamii. Son lei guovddážis ealáskahttimin juoigama go dat lei áitojuvvon. Áillohačča sáhttá navdit juoigankomponistan. Son lávii gohčodit juoigama sápmelaččaid klassihkalaš musihkkan, ja su skearru Goase dušše, man ovddas oaččui Prix Italia bálkkašumi, nammaduvvo ge Loddesimfonian. Áillohaš lea čállán juoigama birra ahte dat čatná oktii, dan sáhttá geavahit ráfudit bohccuid, baldit gumppiid, muittašit ustibiid ja vel vašálaččaid ge. Juoigan sáhtii maid leat lávki nuppi máilbmái, go dat gulai ovddeš sámi oskui.

(Harald Gaski 2014)

Nav med gitar Fotograf ukjent

Per Kristian Olsen (2013) bokte

Nils-Aslak Valkeapää - Musihkka

Lea hárve ahte okta áidna musihkkadahkki lea mielde hábmemin musihkkahistorjjá. Muhto dat ihtet ain muhtumin: Bach, Mozart, Wagner, Lennon ja McCartney ja Sámis Nils-Aslak Valkeapää.

Loga eanet...
Luillaako

Yle Elävä Arkisto

Luillaako

"Luillakko" prográmma lea sámegillii 1977 rájes. Dás sártnoda Nils-Aslak Valkeapää nuorra nieiddain Åsa Simmain luođi mávssolašvuođa birra. Máŋga nuorra sápmelačča leat mielde lávlumin ja juoigamin prográmmas, ee. luđiiguin main lea mielde musihkka, maid Áillohaš gohčodii ođđa-juoigamin. Prográmma lea tekstejuvvon suomagillii.

27. august 2015 Les mer...
JKH Kalstad_150x194

Johan Klemet Hætta Kalstad (2012) bokte

Beassášmárkanat Guovdageainnus ja Áillohaš rohkki

Lásságámmi lea ožžon lobi geavahit min neahttasiidduin Johan Klemet Kalstad artihkkala, mii ilmmai Sámis-áigečállagis nr. 11, miessemánus 2012. Mii giitit Kalstad dan ovddas. Artihkal muitala makkár guovddáš rolla Áillohaš-rohkis lei álggahit Guovdageainnu beassášmárkaniid. Kalstad dovdá dan historjjá bures go ieš lei mielde álggaheamen márkaniid. Áillohaš hálidii almmuhit iežas girjji Eanni, eannážan juste beassášmárkaniin 2001:s, gudnejahttin dihtii márkaniid ja markeret ahte dan jagi son, iežas oaivila mielde, lei reŋgon sámi álbmoga 50 jagi.

Loga eanet...