Girječálli ja máŋggabealat dáiddár Nils-Aslak Valkeapää jámii skábmamánus 2001, muhto su dáidda eallá ain. Dál rahpá Lásságámmi-vuođđudus Áillohačča viesu Ivgubađas dáiddáriid ja dutkiid várás.

Áillohaš (23.3. 1943 - 26.11. 2001) lei riegádan 1943s. Su bearaš orui ovtta gaskka Ádjagorssas, moatte diimmu vázzinmátki Beattegis mii lea Gárasavvona ja Gilbbesjávrri gaskka.

Lásságámmi lei namma manin Nils-Aslak Valkeapää ieš gohčodii viesu man son huksehii dan viessosadjái man lei ožžon skeaŋkan 50-jagibeaivái Omasvuona gielddas. Viessosadji lea lássá alde, ja dan dihtii lea ge das Lásságámmi namman.